વૈદિક જ્યોતિષ અનુસાર ૧૨ જૂન, ૨૦૨૪ ના રોજ શુક્રએ ગોચર કરીને અને મિથુન રાશિમાં પ્રવેશ કર્યો છે. આ પછી ૧૪ જૂને, બુધ પોતાની રાશિ બદલીને મિથુન રાશિમાં શુક્ર સાથે યુતિ કરીને લક્ષ્મી નારાયણ રાજયોગ રચ્યો છે. બીજા જ દિવસે ૧૫ જૂન, ૨૦૨૪ ના રોજ, સૂર્યએ પણ મિથુન રાશિમાં પ્રવેશ કરીને બુધ અને શુક્ર સાથે ત્રિગ્રહી યોગ રચ્યો છે.
આ સાથે બુધ અને સૂર્યની યુતિથી બુધાદિત્ય રાજયોગ પણ બનશે. શુક્ર અને સૂર્યના સંયોગથી શુક્રદિત્ય રાજયોગ બનશે. આ રીતે ૧૫ જૂનથી ચાર રાજયોગ બની રહ્યા છે જે પાંચ રાશિના લોકો માટે સુવર્ણ સમયની શરૂઆત કરશે. આ લોકોને તેમના કરિયરમાં અણધારી સફળતા મળશે. વેપારમાં ઘણી આવક થશે. આવો જાણીએ આ મહિનાની કઈ કઈ પાંચ લકી રાશિઓ છે જેનાથી ઉત્તરોત્તર પ્રગતિ અને પૈસા મળશે.
વૃષભઃ આ રાજયોગ વૃષભ રાશિના લોકોને સ્થાવર મિલકતના મામલામાં સફળતા અપાવશે. તમારું ધન અને સન્માન વધશે. વેપારમાં લાભ થશે. જેઓ નોકરીમાં છે તેમને આ દરમિયાન નવી ઓફર મળી શકે છે. તમારી વર્તમાન નોકરીમાં પ્રમોશન મળવાની પ્રબળ તકો છે. અટકેલા ધન પ્રાપ્ત થશે. જે લોકો સરકારી નોકરી કરે છે તેમને મોટો ફાયદો થશે.
મિથુન: બુધ, શુક્ર અને સૂર્યનું ગોચર મિથુન રાશિના લોકોને આર્થિક લાભ આપશે. તમારા અટકેલા કામ પૂરા થશે. નેતૃત્વની ગુણવત્તામાં સુધારો થશે. બેંક બેલેન્સ વધશે. ખર્ચમાં ઘટાડો થવાને કારણે તમારું બજેટ ફરીથી સંતુલિત થશે. ઓફિસમાં તમને નવી જવાબદારીઓ મળી શકે છે.
સિંહઃ સિંહ રાશિવાળા લોકો દરેક ક્ષેત્રમાં પ્રગતિ કરશે. લાંબા સમય પછી તમને તે મળશે જે તમે ઈચ્છતા હશો. તમને નોકરીમાં પ્રમોશન મળી શકે છે. વેપારમાં પણ તેજી આવશે. તમને આર્થિક લાભ થશે. સુખ મળશે.
કન્યાઃ કન્યા રાશિના લોકોને કરિયરમાં મોટી સફળતા મળી શકે છે. જીવનમાં સકારાત્મકતા વધશે. તમે પરિવારના સભ્યો સાથે ધાર્મિક કાર્યોમાં ભાગ લેશો. તેમની સાથે સારો સમય પસાર થશે. કોઈપણ વિવાદમાં તમે જીતી શકો છો. તમારી સુખ- સમૃદ્ધિમાં વધારો થશે.
તુલાઃ બુધ, શુક્ર અને સૂર્યની યુતિ તુલા રાશિના જાતકોને ઘણો લાભ આપશે. સંપત્તિમાં વધારો થશે. પગાર કે આવકમાં વધારો થશે. અટકેલા કામ પૂરા થશે અને તમારા જીવનમાં પ્રગતિની તકો છે. આર્થિક સ્થિતિ મજબૂત રહેશે. દરેકનો સહયોગ મળશે. એવું કહી શકાય કે તમે ભાગ્યશાળી હશો. (ડિસ્ક્લેમર: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)