ઊંઘમાં સપના જોવા એ કુદરતી પ્રક્રિયા છે. એવું માનવામાં આવે છે કે આપણા મગજમાં જે કંઈ ચાલી રહ્યું હોય તે આપણે સપનામાં પણ જોઈએ છીએ. જો કે સ્વપ્ન શાસ્ત્રો સપના વિશે કહેતા હોય છે કે સપનાનો સંબંધ આપણા વાસ્તવિક જીવન સાથે પણ હોય છે. સ્વપ્ન શાસ્ત્ર અનુસાર મૃત્યુ સંબંધિત કેટલાક સપના શુભ સંકેત આપે છે. આવો જાણીએ આ વિશે.
મૃત્યુ સાથે સંબંધિત આ સપનાઓ શું સૂચવે છે? સ્વપ્ન શાસ્ત્ર અનુસાર, જો કોઈ વ્યક્તિ પોતાનું મૃત્યુ જુએ છે, તો તે એક શુભ સ્વપ્ન હોય છે. આ સ્વપ્ન સૂચવે છે આયુષ્યમાં વધારો. તેની સાથે આ સ્વપ્ન જીવનની પરેશાનીઓનો અંત પણ દર્શાવે છે.
આ સિવાય ઘણી વખત લોકો સપનામાં પોતાના પ્રિયજનોનું મૃત્યુ પણ જુએ છે. ઘણા લોકો આ સ્વપ્નથી ડરી જતા હોય છે પરંતુ આવા સ્વપ્નને શુભ માનવામાં આવે છે. સ્વપ્નમાં કોઈ પ્રિય વ્યક્તિનું મૃત્યુ જોવું એ જીવનની નવી શરૂઆતનો સંકેત આપે છે.
સ્વપ્નમાં પિતૃઓને આશીર્વાદ આપતા જોવા એ શુભ માનવામાં આવે છે. આવા સ્વપ્ન કામમાં સફળતા સૂચવે છે. બીજી તરફ જો કોઈ મૃત વ્યક્તિ સ્વપ્નમાં વારંવાર આવે છે, તો તેનો અર્થ એ છે કે તેની કેટલીક ઇચ્છાઓ અધૂરી રહી ગઈ છે. આવી સ્થિતિમાં તેમના માટે તર્પણ કરવું જોઈએ.
જો કોઈ સપનામાં પૂર્વજ અથવા પ્રિયજનના રૂપમાં દેખાય અને તેને જોઈને ડરી જાવ તો આવા સ્વપ્નને અશુભ માનવામાં આવે છે. આવા સ્વપ્ન ભવિષ્યમાં નુકસાન સૂચવે છે. બીજી તરફ જો તમે સપનામાં કોઈની લાશ જુઓ તો તે શુભ ગણાય છે.
તેનો અર્થ એ છે કે ખૂબ જ જલ્દી નસીબ ચમકવા જઈ રહ્યું છે. (ડિસ્ક્લેમર: અહીં આપેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)