સ્વપ્ન શાસ્ત્રમાં વ્યક્તિના સપનાના અર્થ વિશે જણાવવામાં આવ્યું છે. ઘણીવાર વ્યક્તિ કાં તો રાતે આવતા સપનાને સવાર સુધીમાં ભૂલી જાય છે અથવા તો તેને થોડું થોડું યાદ કરે છે પરંતુ કેટલીકવાર કેટલાક સપના એવા હોય છે જે દિવસભર વ્યક્તિના મગજમાં ઘૂમતા રહે છે.
ઘણી વખત જો આ સપનાઓના અર્થ ના ખબર હોય તો, વ્યક્તિ સપનાના સંકેતોની અવગણના કરે છે. સ્વપ્ન શાસ્ત્ર અનુસાર, સપના વ્યક્તિના ભવિષ્યમાં થનારી ઘટનાઓ તરફ ઈશારો કરે છે.
કેટલાક સપના પહેલાથી જ વ્યક્તિને શુભ અને કેટલાક અશુભ સંકેતો વિશે જણાવે છે. આજે આપણે સપનામાં સાવરણી જોવાના સંકેતો વિશે જાણીશું. હિન્દુ ધર્મમાં સાવરણીને દેવી લક્ષ્મીનું સ્વરૂપ માનવામાં આવે છે. પરંતુ સપનામાં માત્ર સાવરણી જોવી એ શુભ નથી હોતી. કેટલીકવાર તે સાવરણી કયા સ્વરૂપમાં જોવામાં આવે છે તેના પર પણ આધાર રાખે છે. ચાલો જાણીએ સાવરણી સાથે જોડાયેલા કેટલાક શુભ અને અશુભ સંકેતો વિશે.
સ્વપ્નમાં સાવરણી જોવાનો અર્થ: સપનામાં જમીન પર પડેલી સાવરણી જોવી એ ખૂબ જ અશુભ સંકેત માનવામાં આવે છે. સ્વપ્ન વિજ્ઞાન અનુસાર, આવા સ્વપ્નનો અર્થ છે કે તમારે ભવિષ્યમાં મુશ્કેલીનો સામનો કરવો પડી શકે છે. સાવરણીને માં લક્ષ્મીનું સ્વરૂપ માનવામાં આવે છે. આવી સ્થિતિમાં, જો તમે સાવરણીને જમીન પર પડેલી જુઓ છો, તો તેનો અર્થ એ છે કે દેવી લક્ષ્મીનું અપમાન થઈ રહ્યું છે.
સપનામાં દરવાજાની પાછળ સાવરણી જોવી પણ અશુભ માનવામાં આવે છે. તેનો અર્થ એ છે કે તમારું બનતું કામ બગડી શકે છે. જો તમે કોઈ નવું કામ શરૂ કરી રહ્યા છો અને તમને આવું સપનું દેખાય છે તો તેનો અર્થ એ છે કે તમારે કામમાં નિષ્ફળતાનો સામનો કરવો પડી શકે છે. તેવી સ્થિતિમાં વિચારીને જ પગલાં ભરો.
સ્વપ્નમાં પોતાને ઝાડુ મારતા જોવું શુભ માનવામાં આવે છે. તેનો અર્થ એ છે કે તમે જલ્દી અમીર બની શકો છો અને બધી જ ઈચ્છાઓ જલ્દી પૂરી થવા જઈ રહી છે.
તો બીજીતરફ સ્વપ્ન વિજ્ઞાન અનુસાર, સ્વપ્નમાં પોતાને સાવરણી ખરીદતી જોવાનું પણ શુભ માનવામાં આવે છે. આ સ્વપ્નનો અર્થ એ છે કે હવે તમારે કોઈ પણ બાબતની ચિંતા કરવાની જરૂર નથી. આ સ્વપ્ન સૂચવે છે કે તમે જલ્દી સફળ થવાના છો.
આ સિવાય સપનામાં તૂટેલી સાવરણી જોવી પણ સારી નથી માનવામાં આવતી. જો તમે આવું કંઈક જુઓ છો, તો સમજી લો કે તમે કોઈ વસ્તુથી છેતરાઈ શકો છો. (ડિસ્ક્લેમર: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)