ગ્રહોના રાજા સૂર્ય ૩૦ દિવસમાં રાશિ પરિવર્તન કરે છે. સૂર્યના ગોચરને સંક્રાંતિ કહેવાય છે. જ્યારે સૂર્ય કર્ક રાશિમાં પ્રવેશ કરે છે ત્યારે ૧૬ મી જુલાઈના રોજ કર્ક સંક્રાંતિ ઉજવવામાં આવી હતી. ૧૬ ઓગસ્ટ સુધી સૂર્ય કર્ક રાશિમાં રહેશે. સૂર્યનું ગોચર અને તેમની મૂળત્રિકોણ રાશિ કુંભ રાશિમાં શનિની હાજરીને કારણે ષડાષ્ટક યોગ રચાયો છે.
જ્યોતિષ શાસ્ત્ર અનુસાર જ્યારે સૂર્ય અને શનિ એકબીજાના છઠ્ઠા અને આઠમાં ભાવમાં હોય છે ત્યારે ષડાષ્ટક યોગ બને છે. સૂર્ય- શનિથી બનેલો ષડાષ્ટક યોગ જ્યોતિષમાં અશુભ માનવામાં આવે છે. જાણો ષડાષ્ટક યોગના કારણે કઇ રાશિના લોકોના જીવનમાં આવી શકે છે તોફાન.
કર્કઃ કર્ક રાશિના લોકો માટે ષડાષ્ટક યોગ સારો નથી માનવામાં આવતો. આ સમયગાળા દરમિયાન તમારો આત્મવિશ્વાસ અને હિંમત ઘટી શકે છે. પૈસા સંબંધિત કોઈ જોખમ ના લેશો નહીં તો આર્થિક નુકસાનના સંકેતો છે. નોકરીમાં તમારે મુશ્કેલીઓનો સામનો કરવો પડશે. માનસિક તણાવનો ભોગ બની શકો છો.
સિંહ: સૂર્ય-શનિ દ્વારા રચાયેલ ષડાષ્ટક યોગ સિંહ રાશિના લોકો માટે આર્થિક પડકારો લાવી શકે છે. પારિવારિક જીવનમાં તમારે અશાંતિનો સામનો કરવો પડી શકે છે. આ સમયગાળા દરમિયાન તમારા જીવનસાથીની વાતને અવગણવાનું ટાળો.
કન્યા: સૂર્ય અને શનિની સ્થિતિ કન્યા રાશિના લોકો માટે શુભ નથી. ષડાષ્ટક યોગના પ્રભાવથી શત્રુઓ તમારા પર હાવી થઈ શકે છે. ઓફિસમાં રાજકારણનો શિકાર બનવાની શક્યતાઓ રહેલી છે. આ સમયગાળા દરમિયાન પૈસા સંબંધિત કોઈ જોખમ ના લેશો નહીં તો આર્થિક નુકસાન થઈ શકે છે. માન અને પ્રતિષ્ઠાને અસર થઈ શકે છે.
ધન: ધન રાશિના લોકો માટે આ સમયગાળો ઉતાર- ચઢાવથી ભરેલો રહેશે. આ સમયે કોઈપણ પ્રકારના વિવાદથી બચો, અન્યથા તમારે કોર્ટ કચેરીના ચક્કર કાપવા પડી શકે છે. ખર્ચમાં વધારો થશે. નોકરી કરતા લોકોને પરેશાનીઓનો સામનો કરવો પડશે.
કુંભઃ શનિ અને સૂર્યથી બનેલો ષડાષ્ટક યોગ કુંભ રાશિના લોકો માટે અશુભ સાબિત થશે. આ સમયગાળા દરમિયાન તમે વાદ- વિવાદમાં ફસાઈ શકો છો. ઈજાઓ થઈ શકે છે. તમે કોઈ મુશ્કેલીમાં ફસાઈ શકો છો. સંજોગો પ્રતિકૂળ છે અને તેને ખૂબ જ સાવધાની સાથે પાર કરવાની જરૂર છે. આ સમયગાળા દરમિયાન કોઈ નવું કાર્ય શરૂ ના કરવું.
અમે એવો દાવો નથી કરતા કે આ લેખમાં આપવામાં આવેલી માહિતી સંપૂર્ણપણે સાચી અને સચોટ છે. તેને અપનાવતા પહેલા, સંબંધિત ક્ષેત્રના નિષ્ણાતની સલાહ ચોક્કસ લો.