શનિદેવથી બધા ડરે છે. જ્યોતિષ શાસ્ત્રમાં શનિદેવને ન્યાયના દેવતા માનવામાં આવ્યા છે. એવી માન્યતા છે કે શનિદેવ લોકોને તેમના કર્મો અનુસાર ફળ આપે છે. એટલા માટે કહેવાય છે કે વ્યક્તિએ હંમેશા સારા કાર્યો કરવા જોઈએ કારણ કે જો શનિદેવ ક્રોધિત થાય તો રાજા પણ રંક બની શકે છે.
જ્યોતિષ શાસ્ત્રમાં કેટલાક સંકેતો જણાવવામાં આવ્યા છે. જેના દ્વારા તમે જાણી શકો છો કે શનિદેવ તમારાથી પ્રસન્ન છે કે નહીં. જ્યોતિષ શાસ્ત્ર અનુસાર જો તમે શનિવારે આમાંથી કોઈ એક વસ્તુ જુઓ તો સમજી લો કે શનિદેવ તમારા પર મહેરબાન છે અને જલ્દી તમારો સારો સમય શરુ થવાનો છે. ચાલો જાણીએ કયા છે તે પાંચ સંકેતો.
વહેલી સવારે ભિખારીને જોવોઃ માનવામાં આવે છે કે જો તમે શનિવારના દિવસે વહેલી સવારે કોઈ ભિખારીને જુઓ અને તે તમારી પાસેથી કંઈક માંગતો હોય. તો તેને શુભ સંકેત માનવામાં આવે છે. તેનો અર્થ એ છે કે શનિદેવ તમારા પર પ્રસન્ન છે તેથી તમારે ભિખારીની યોગ્ય રીતે મદદ કરવી જોઈએ.
સાફ- સફાઈ કરતા મજુરને જોવો: જો તમે શનિવારે કોઈ સફાઈ કામદારને ખાસ કરીને સફાઈ કરતા જુઓ તો તે પણ શુભ માનવામાં આવે છે. જો તમારા ઘરમાં પણ કોઈ સફાઈ કામદાર હોય તો શનિવારે તેને કંઈક દાન અવશ્ય આપો તેનાથી ધન અને અનાજની વૃદ્ધિ થાય છે.
કાળો કૂતરોઃ જો શનિવારે શનિ મંદિરની સામે કાળો કૂતરો દેખાય તો તે પણ તમારા માટે શુભ સંકેત છે. તે દિવસે કાળા કૂતરાને રોટલી ખવડાવો તેનાથી શનિદેવના આશીર્વાદ જરૂર પ્રાપ્ત થશે.
કાળો કાગડો: શનિવારે જો કોઈ કાળો કાગડો તમારા ઘરના આંગણામાં પાણી પીવે છે અથવા તમારા દ્વારા રાખવામાં આવેલ ઘરની સામે પાણી પીવે છે તો તે ખૂબ જ શુભ સંકેત માનવામાં આવે છે. માનવામાં આવે છે કે જે વ્યક્તિ તે જોવે છે તેના પર શનિદેવ પ્રસન્ન થાય છે પરંતુ જો શનિવારે કોઈ કાગડો તમારા માથા પર ચાંચ મારે છે તો તમારે સાવધાન રહેવાની જરૂર છે. એ સંકેત છે કે શનિદેવ તમારાથી નારાજ છે.
કાળી ગાય: શનિવારના દિવસે જો તમે કોઈ મહત્વપૂર્ણ કામ માટે જઈ રહ્યા છો અને તમને કાળી ગાય દેખાય છે તો તે કાર્ય ચોક્કસપણે પૂર્ણ થશે. એટલા માટે કહેવાય છે કે શનિવારે કાળી ગાયની પૂજા અવશ્ય કરવી જોઈએ.
સાથે જ જો શક્ય હોય તો તે દિવસે કાળી ગાયને લીલું ઘાસ ખવડાવો. તેનાથી તમારા જીવનની બધી પરેશાનીઓ દૂર થઈ શકે છે. (ડિસ્ક્લેમર: અહી આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પૃષ્ટિ નથી કરતું.)