ઘરમાં મંદિરની સ્થાપના કરવાથી પરિવારમાં સુખ, શાંતિ અને સમૃદ્ધિ જળવાઈ રહે છે. તેમજ માતા લક્ષ્મીની કૃપા પણ પ્રાપ્ત થાય છે. એવું કહેવાય છે કે જ્યારે કોઈને આધ્યાત્મિક ચેતના જગાડવા, માનસિક શાંતિ મેળવવા, ભગવાનના આશીર્વાદ મેળવવા અથવા દુ:ખો સામે લડવા માટે આત્મવિશ્વાસની જરૂર હોય ત્યારે ઘરમાં પૂજા સ્થાન શ્રેષ્ઠ હોય છે. તેવી સ્થિતિમાં ઘરના મંદિરમાં કેટલીક વસ્તુઓ સ્થાપિત કરવાથી દેવી લક્ષ્મી પ્રસન્ન થાય છે અને ભક્તો પર પોતાની કૃપા વરસાવે છે. તમારા ઘરના મંદિરમાં રાખો આ સાત વસ્તુ
૧. ભગવાન ગણેશની મૂર્તિ: જ્યોતિષ શાસ્ત્ર અનુસાર ઘરના મંદિરમાં માં લક્ષ્મીની સાથે ભગવાન ગણેશની સ્થાપના કરવી શુભ માનવામાં આવે છે. એવું કહેવાય છે કે ગણેશ જી માતા લક્ષ્મીના દત્તક પુત્ર છે અને માતા લક્ષ્મી તરફથી તેમને વરદાન મળ્યું છે કે જ્યાં બાપ્પાની પૂજા કરવામાં આવતી હશે ત્યાં માં લક્ષ્મી સ્થાયી રૂપથી નિવાસ કરશે.
૨. શાલિગ્રામઃ શાસ્ત્રોમાં શાલિગ્રામને ભગવાન વિષ્ણુનો અવતાર માનવામાં આવે છે. શાલિગ્રામની પૂજા કરવાથી માતા લક્ષ્મી પ્રસન્ન થાય છે. એવું કહેવાય છે કે તુલસીથી શાલિગ્રામની પૂજા કરવાથી ઘરમાં સુખ- સમૃદ્ધિ આવે છે. તેવી સ્થિતિમાં મંદિરમાં શાલિગ્રામની સ્થાપના કરવી જોઈએ અને નિયમિત પૂજા કરવી જોઈએ.
૩. પીળી કોડીઓ: જ્યોતિષ શાસ્ત્રમાં પીળી કોડીને માતા લક્ષ્મીની પ્રિય માનવામાં આવે છે. પીળી કોડીઓ સિવાય તમે સફેદ કોડીઓ પર હળદર પણ લગાવી શકો છો. પૂજા દરમિયાન દેવી લક્ષ્મીને પીળી કોડી અર્પણ કરો. તેનાથી માતા લક્ષ્મી પ્રસન્ન થાય છે અને ભક્તોને ધન અને સમૃદ્ધિની પ્રાપ્તિ થાય છે. પૂજા પછી આ કોડીઓને તિજોરીમાં રાખો.
૪. મોરપીંછ: તમને જણાવી દઈએ કે મોરપીંછ ઘર કે મંદિરમાં રાખવાથી પણ શુભ ફળ મળે છે. મોરપીંછ ભગવાન શ્રી કૃષ્ણને ખૂબ જ પ્રિય હોય છે અને તેને ભગવાન વિષ્ણુનો અવતાર માનવામાં આવે છે. મોર પીંછા રાખવાથી નકારાત્મકતા દૂર થાય છે.
૫. શંખઃ શાસ્ત્રોમાં શંખને દેવી લક્ષ્મીનો પ્રિય પણ ગણાવવામાં આવ્યો છે. સમુદ્ર મંથન દરમિયાન દેવી લક્ષ્મીની સાથે શંખની પણ રચના કરવામાં આવી હતી. કહેવાય છે કે જ્યાં શંખ રાખવામાં આવે છે, ત્યાં દેવી લક્ષ્મીનો નિવાસ રહેતો હોય છે. જો તેનો પૂજામાં ઉપયોગ કરવામાં આવે તો ત્યાં દેવી લક્ષ્મીનો નિવાસ થાય છે.
૬. ગંગા જળ: એવું માનવામાં આવે છે કે ગંગા જળનો ઉપયોગ ગરીબી દૂર કરે છે. પૂજામાં ગંગા જળનો ઉપયોગ કરવામાં આવે તો વ્યક્તિને તમામ પાપોમાંથી મુક્તિ મળે છે. તેની સાથે જ રોગો અને ખામીઓ પણ દૂર થઈ જાય છે. તેથી મંદિરોમાં પણ ગંગા જળ રાખવામાં આવે છે.
૭. કુબેર યંત્રઃ જ્યોતિષ શાસ્ત્ર અનુસાર કુબેર દેવને ધનના દેવતા તરીકે ઓળખવામાં આવે છે. એટલું જ નહીં, તેઓ સંપત્તિના રક્ષક પણ છે. જો તમે સ્થિરતા જાળવી રાખવા માંગો છો અને તમારી સંપત્તિમાં વધારો કરવા માંગો છો, તો કુબેર યંત્રને મંદિરમાં સ્થાપિત કરો. તેમજ નિયમિત રીતે પૂજા કરો. (ડિસ્ક્લેમર: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)