ધન, સુખ અને પ્રગતિ મેળવતા પહેલા કેટલાક સંકેતો પણ પ્રાપ્ત થાય છે. આ સંકેતો તમને જણાવે છે કે તમારું જીવન હવે ખુશીઓથી ભરેલું રહેવાનું છે. ઘરમાં વાવેલો તુલસીનો છોડ પણ એવા મહત્વપૂર્ણ સંકેતો આપે છે.
મોટાભાગના ઘરોમાં તુલસીનો છોડ હોય છે અને તેની દરરોજ પૂજા કરવામાં આવતી હોય છે. તુલસીનો છોડ ઘરમાં સકારાત્મકતા અને સમૃદ્ધિ લાવે છે. ઉપરાંત, તે મહત્વપૂર્ણ સંકેતો પણ આપતો હોય છે. તે સંકેતો તમને જણાવે છે કે ભવિષ્યમાં તમારી સાથે શું સારું કે ખરાબ થવાનું છે.
માં લક્ષ્મીના આગમનના સંકેતો: તુલસીનો છોડ એ પણ જણાવે છે કે માં લક્ષ્મી તમારા ઘરમાં આવવાના છે. તમને ઘણી ધન- સંપત્તિ મળવાની છે. તમારું જીવન ખુશીઓથી ભરાઈ જશે.
તુલસીનો છોડ લીલો થઈ જવો: જો તમારા ઘરમાં તુલસીનો છોડ અચાનક ઘણો લીલો થઈ જાય, તો તે ખૂબ જ શુભ સંકેત છે. તે તમને કહે છે કે તમારી બધી આર્થિક સમસ્યાઓ દૂર થવા જઈ રહી છે અને તમને ઘણા પૈસા મળવાના છે.
વગર ઋતુએ તુલસીમાં માંજર આવે: જો તુલસીના માંજરો કોઈ ઋતુ વગર ખીલે છે, તો તે માં લક્ષ્મીના તમારા પર વિશેષ આશીર્વાદનો સંકેત છે. તેનો અર્થ એ છે કે તમારા ઘરમાં સુખ અને સમૃદ્ધિ વધવાની છે. પરિવારના કોઈ સભ્યને સરકારી નોકરી અથવા ઉચ્ચ પદ મળી શકે છે.
તુલસીની પાસે દુર્વા ઘાસ ઊગવું: જો તુલસીની આસપાસ દુર્વા ઘાસ ઉગવા લાગે છે, તો તે સૂચવે છે કે તમે ટૂંક સમયમાં પ્રગતિ કરવાના છો. દુર્વા ઘાસ ભગવાન ગણેશને પ્રિય હોય છે અને તે નિશાની તમારા ઘરમાં શુભ ઘટના બનવાનો પૂર્વ સંકેત પણ હોય છે.
તુલસીની આસપાસ પતંગિયા ઉડવા: જો ઘરમાં તુલસીના છોડની આસપાસ પતંગિયા ફરતા હોય, તો તે સૂચવે છે કે તમને ખૂબ ખુશી મળવાની છે. દેવી- દેવતાઓ તમારા પર મહેરબાન છે.
તુલસીની સુગંધ વધવી: જો તુલસીના છોડમાંથી અચાનક તીવ્ર સુગંધ આવવા લાગે છે, તો તે ઘરમાં સકારાત્મક ઉર્જામાં વધારો થવાનો સંકેત હોય છે. તે કહે છે કે હવે માં લક્ષ્મી તમારા ઘરમાં પ્રવેશ કરશે અને ત્યાં નિવાસ કરશે.
(ડિસ્ક્લેમર – પ્રિય વાંચકો, આ સમાચાર વાંચવા બદલ આભાર. આ સમાચાર ફક્ત તમને જાગૃત કરવા માટે લખવામાં આવ્યા છે. અમે આ લખવામાં સામાન્ય માહિતીની મદદ લીધી છે. ગુજરાત બીટ તેની પુષ્ટિ નથી કરતું.)