સારા સ્વાસ્થ્ય ઉપરાંત તુલસીનો છોડ ઘરના વાતાવરણને શુદ્ધ કરવામાં પણ મદદ કરે છે. હિંદુ ધર્મ અનુસાર તુલસીનું આપણા જીવનમાં ઘણું મહત્વ રહેલું છે. તુલસીના છોડમાં માતા લક્ષ્મીનો નિવાસ હોય છે. આ સિવાય આ છોડ ભગવાન વિષ્ણુને પ્રિય છે, એટલા માટે સત્યનારાયણ કથાના પ્રસાદમાં અથવા કોઈપણ પ્રકારની પૂજામાં તુલસીનો ઉપયોગ કરવામાં આવે છે, જે તેને પૂર્ણ કરે છે.
તુલસી વિના કોઈપણ પૂજા પૂર્ણ નથી માનવામાં આવતી. બીજી તરફ જેના ઘરમાં તુલસીનો છોડ હોય છે, તેના ઘરમાં ક્યારેય નકારાત્મકતા નથી રહેતી. ઘરમાં સુખ- સમૃદ્ધિ લાવવામાં તુલસીની સૌથી મહત્વની ભૂમિકા હોય છે. તુલસીનો દરેક ભાગ મહત્વપૂર્ણ હોય છે. તેવી જ રીતે તુલસીના માંજર પણ તમારી ઘણી સમસ્યાઓ દૂર કરી શકે છે, જાણો કેવી રીતે
આર્થિક તંગી દૂર થશે: ઘરમાં તુલસીના છોડની ડાળી તોડીને પૂજાના સમયે દેવી લક્ષ્મીને મંદિરમાં અર્પણ કરો, વ્યક્તિ પર તેમની કૃપા બની રહેશે. ઉપરાંત, તમારે ક્યારેય આર્થિક તંગીનો સામનો કરવો નહીં પડે.
ભોળાનાથની રહેશે કૃપા: ભગવાન ભોળાનાથને ક્યારેય તુલસીના પાન ના ચડાવી શકાય, પરંતુ તમે તેના માંજર શિવલિંગને અર્પણ કરી શકો છો. તેનાથી વ્યક્તિના અટકેલા પૈસા પાછા આવશે. આ સાથે આવકમાં પણ વધારો થશે.
આશીર્વાદ માટે માંજરને તિજોરીમાં રાખોઃ જો કોઈ વ્યક્તિ ઘરમાં હંમેશા આશીર્વાદ રાખવા ઈચ્છે છે તો તેણે તુલસીના માંજરને લાલ કપડામાં બાંધીને પોતાના લોકરમાં રાખવા જોઈએ. તેના કારણે તમારે ક્યારેય આર્થિક સંકટનો સામનો કરવો પડશે નહીં.
તુલસી માંજરને ગંગા જળમાં ભેળવવાથી ફાયદોઃ તુલસીના છોડના માંજરને ગંગા જળમાં ભેળવીને ઘરની ઉત્તર દિશામાં રાખવામાં આવે તો આર્થિક લાભ થાય છે. હિંદુ ધર્મમાં તુલસીની મંજરી અને ગંગાનું પાણી બંને પવિત્ર માનવામાં આવે છે. તેનાથી વ્યક્તિને જ ફાયદો થશે. (ડિસ્ક્લેમર: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)