હિંદુ ધર્મમાં ઘણા છોડને પૂજનીય સ્થાન પ્રાપ્ત છે. ઘણી વાર છોડની કાળજી ના લઇ શકવાથી અથવા તેને પાણી ના આપવાને કારણે છોડ સુકાઈ જાય છે. આ છોડવાઓ કરમાઈ જવાથી કેટલાક અશુભ સંકેતો મળે છે. ભવિષ્યમાં આવનારી ઘટનાઓને લઈને સંકેત આપે છે. આવો જાણીએ આ સંકેતો વિશે.
તુલસીને સૂકવવી: ઘણી વખત ઘરમાં થોડી બેદરકારીના કારણે ઘરના છોડ સુકાઈ જાય છે. પરંતુ કેટલીકવાર છોડની સંપૂર્ણ કાળજી લીધા પછી પણ તે સુકાઈ જતા હોય છે. જો તુલસીના છોડ સાથે આવું થાય તો મા લક્ષ્મી તમારાથી નારાજ થઈ શકે છે. તે ધન હાનિનો સંકેત છે. તુલસીના છોડને દેવી લક્ષ્મીનું સ્વરૂપ માનવામાં આવે છે અને તે ભગવાન વિષ્ણુને ખૂબ જ પ્રિય હોય છે. તેથી તુલસીના છોડનું ખાસ ધ્યાન રાખો.
મની પ્લાન્ટ સુકાઈ જવો- મની પ્લાન્ટનો છોડ વાસ્તુ અનુસાર ખૂબ જ શુભ માનવામાં આવે છે. વાસ્તુ નિષ્ણાતોના મતે મની પ્લાન્ટ દક્ષિણ- પૂર્વ દિશામાં લગાવવો શુભ હોય છે. એવું માનવામાં આવે છે કે આ દિશામાં ગણેશજીનો નિવાસ હોય છે અને ધનની કમી નથી રહેતી પરંતુ જો લગાવેલ મની પ્લાન્ટ સુકાઈ જાય તો તે પૈસાની દ્રષ્ટિએ શુભ નથી માનવામાં આવતું. તે પૈસાની અછતનો સંકેત આપે છે.
શમીના છોડને સૂકવવું: શમીનું ઝાડ ખૂબ જ શુભ હોય છે. શનિ ગ્રહ સંબંધિત સમસ્યાઓથી છુટકારો મેળવવા માટે શમીના વૃક્ષની પૂજા કરવામાં આવે છે પરંતુ જો તમારું લીલું શમીનું ઝાડ અચાનક સુકાઈ જાય તો તે શનિદેવની ખરાબ સ્થિતિ અને શિવના ક્રોધની નિશાનીનો સંકેત હોય છે. જ્યારે તેવું થાય છે ત્યારે ઘણી સમસ્યાઓનો સામનો કરવો પડે છે. તેવી સ્થિતિમાં કામોમાં અડચણ આવે છે.
અશોકનું વૃક્ષ: ઘરના આંગણામાં સકારાત્મકતા માટે અશોકનું વૃક્ષ વાવવામાં આવે છે. જો આ ઝાડ સુકાઈ જાય તો તે ઘરની શાંતિ ભંગ થવાનો સંકેત હોય છે. તેવી સ્થિતિમાં અશોક વૃક્ષની સારી રીતે કાળજી લેવી. જો તે કોઈપણ કારણોસર સુકાઈ જાય, તો તેને તરત જ બદલો.
આંબાના ઝાડનું સુકાવું: હિન્દુ ધર્મમાં આંબાના ઝાડને ખૂબ જ શુભ માનવામાં આવે છે. આંબાના પાનનો ઉપયોગ પૂજા વિધિમાં પણ થતો હોય છે. તેવી સ્થિતિમાં આંબાના ઝાડ સુકાઈ જવાથી ભવિષ્યમાં આવનારી મુસીબતો વિશે જણાવવામાં આવે છે. જો તમારી સાથે પણ આવું થાય છે તો સાવધાન થઈ જાવ. (ડિસ્ક્લેમર: અહીં આપેલી માહિતી સામાન્ય માન્યતાઓ અને જાણકારી પર આધારિત છે. ગુજરાત બીટ તેની પુષ્ટિ નથી કરતું.)