ગરુડ પુરાણને હિન્દુ ધર્મનો એક એવો ગ્રંથ માનવામાં આવે છે, જેમાં મનુષ્યના જન્મથી લઈને મૃત્યુ સુધીની દરેક વાત લખવામાં આવી છે. ગરુડ પુરાણના પ્રેત કલ્પમાં ભગવાન કૃષ્ણએ ગરુડ જીને મૃત્યુ સાથે જોડાયેલી ઘણી રહસ્યમય વાતો કહી છે. મૃત્યુ પહેલાના સંકેતો, મૃત્યુ લોક જેવી બાબતોને વિગતવાર સમજાવવામાં આવી છે. જો તમે તમારા ઘરમાં કેટલાક આશ્ચર્યજનક સંકેત જુઓ છો, તો સમજો કે તમારા ઘરમાં કોઈ અનિષ્ટ શક્તિનો પડાવ છે અથવા કોઈ દુષ્ટ આત્માએ તમારા ઘરમાં જગ્યા બનાવી છે.
આ સંકેત ખતરનાક હોય છે. ઘણા લોકો તેને માત્ર સંયોગ ગણીને અવગણના કરે છે. પરંતુ બાદમાં તેમને મુશ્કેલીનો સામનો કરવો પડી શકે છે. જો ઘરમાં કોઈ અશુભ શક્તિ કે રાક્ષસ પ્રવેશ કરે છે તો ઘરમાં પરેશાનીઓનો પહાડ તૂટી પડે છે. ઘરમાં રાખેલા પૈસા અચાનક બીમારીઓ કે અન્ય કોઈ વસ્તુ પર ખર્ચવા લાગે છે. આ સંકેતો સપના, પ્રાણીઓ અને પક્ષીઓ દ્વારા શોધી શકાય છે.
ગરુડ પુરાણ અનુસાર, એકવાર પક્ષીઓના રાજા ગરુડએ શ્રી હરિને પૂછ્યું કે હે ભગવાન, કયા માણસના ઘરમાં દેવતાઓ નથી રહેતા? ભૂત કોના ઘરમાં રહે છે? ઘરમાં દુષ્ટ શક્તિ હોવાના કયા સંકેતો હોય છે? ભગવાને ગરુડને જવાબ આપતા કહ્યું, જે ઘરમાં ભૂતનો વાસ હોય છે ત્યાં માતા લક્ષ્મી નથી આવતા. એવા ઘરમાં ગરીબી રહે છે. જે વ્યક્તિના ઘરમાં ભૂતોનો વાસ હોય છે તેને અલગ- અલગ સંકેતો મળે છે. તેને આ સંકેતો ઘરમાં હાજર વસ્તુઓ દ્વારા અથવા સપના દ્વારા મળે છે.
ભગવાન કૃષ્ણ કહે છે કે આ વિશ્વમાં દરેક જીવને જીવવા માટે ખોરાકની જરૂર હોય છે. એ જ રીતે ભૂતને પણ ખોરાકની જરૂર હોય છે. જે લોકોના ઘરમાં અશુભ કામ થાય છે તેમના ઘરે ભૂત જમવા જાય છે. ગરુડ પુરાણ અનુસાર, ભૂતોનો ખોરાક વિશ્વના તમામ જીવો માટે નિંદનીય છે એટલે કે ભૂત એવી વસ્તુઓ ખાય છે જેની દરેક વ્યક્તિ નિંદા કરે છે.
માનવ શરીરમાંથી બહાર કાઢવામાં આવેલ મળ, પેશાબ અને અન્ય પ્રકારની ગંદી વસ્તુઓને ખોરાક તરીકે લેવામાં આવે છે. આ સિવાય વાસી ખોરાક ઘરમાં રાખવાથી ભૂત-પ્રેત આકર્ષિત થવા લાગે છે. એટલા માટે વાસી ખોરાકને લાંબા સમય સુધી ઘરમાં ન રાખવો જોઈએ. આ સિવાય ઘરમાં થૂંકવું પણ અશુભ માનવામાં આવે છે. કારણ કે આ ભૂતોનો ખોરાક છે. ઘરમાં ઠુંન્કવાથી પ્રેત પ્રવેશ કરે છે
ઘરને ભૂત-પ્રેતથી દૂર રાખવા માટે ઘરને સાફ રાખવું ખૂબ જ જરૂરી હોય છે. જે ઘર અશુદ્ધ હોય, જે ઘરમાં વસ્તુઓ અહી-ત્યાં વિખરાયેલી હોય, એવા ઘરમાં ભૂત-પ્રેત આવીને ખાય છે. જેના કારણે ઘરનું વાતાવરણ સંપૂર્ણપણે બગડી જાય છે. માતા લક્ષ્મી ક્યારેય આવા ઘરમાં પ્રવેશતા નથી.
ભગવાન શ્રી કૃષ્ણ કહે છે કે જે ઘરમાં વ્રત, ઉપવાસ, દાન, પૂજાપાઠ જેવા ધાર્મિક કાર્યો નથી થતા ત્યાં ભૂતોનો વસવાટ શરૂ થાય છે. જે ઘરમાં મહિલાઓ મોડે સુધી સૂતી હોય છે, પતિ અને ગુરુજનોનું અપમાન કરે છે, તે ઘર જ્યાં પુરૂષો અન્ય સ્ત્રીઓ સાથે સંબંધ ધરાવે છે ત્યાં ભૂતોનો વાસ રહેતો હોય છે. જ્યાં લોકો સ્નાન કર્યા વિના ભોજન કરે છે ત્યાંથી દેવતાઓ દૂર જાય છે. ભૂત તેમના સ્થાને નિવાસ કરે છે.
શું હોય છે ઘરમાં ભૂત-પ્રેતના સંકેતઃ ભગવાન કૃષ્ણના જણાવ્યા અનુસાર, ભૂખ અને તરસથી પરેશાન થઈને પ્રેત યોનિને પ્રાપ્ત મૃત સ્વજનો પોતાના પ્રિયજનોના ઘરમાં પ્રવેશ કરે છે. તેઓ હવાના સ્વરૂપમાં હોય છે. તેથી જ તેઓ મનુષ્યોને દેખાતા નથી. તેઓ તેમના સ્વજનોના શરીરમાં હવાના રૂપમાં પ્રવેશ કરે છે અને તેમને જુદા જુદા સપના આપે છે.
ભગવાન કૃષ્ણ કહે છે કે મૃત વ્યક્તિ ભૂત બનીને તેની પત્ની, પુત્ર અને તેના પરિવારના સભ્યોના શરીરમાં પ્રવેશ કરે છે. જો સપનામાં ઘોડો, હાથી કે બળદ જેવા પ્રાણીઓ દેખાય અથવા ગુસ્સામાં તમારા પર હુમલો કરે તો સમજી લેવું કે તમારા ઘરમાં કોઈ ભૂતનું વાસ છે. જો કોઈ વ્યક્તિ જાગીને પોતાને પલંગ પર પ્રતિકૂળ પરિસ્થિતિમાં જુએ તો તેણે સમજવું જોઈએ કે તેના ઘરમાં ભૂત છે.
જો કોઈ વ્યક્તિ પોતાની જાતને સાંકળોથી બાંધેલો જુએ અથવા પોતાના પરિવારના સભ્યને તરસથી પીડાતો જુએ તો સમજી લેવું જોઈએ કે તેના મૃત પરિવારના સભ્યને પ્રેત યોનિ પ્રાપ્ત થઇ છે અને તે તેના ઘરમાં રહે છે. જો ઘરમાં વારંવાર પરેશાની રહેતી હોય અથવા અચાનક પૈસાની ખોટ થાય કે ઘરના સભ્યો અચાનક બીમાર પડી જાય તો તેને અશુભ સંકેત માનવામાં આવે છે.