સ્વપ્ન શાસ્ત્રમાં સપનામાં જોવા મળતી બાબતો અંગે જણાવવામાં આવ્યું છે. સપનામાં જોવા મળતી વસ્તુઓ પણ જીવનમાં બનતી ઘટનાઓ તરફ ઈશારો કરે છે. તે બાબતોને અવગણવી ક્યારેક નુકસાનકારક પણ બની જાય છે, તેથી તેના પર ધ્યાન આપવું જરૂરી બની જાય છે. જો સપનામાં આ વસ્તુઓ જોવા મળે તો તેનો ઊંડો અર્થ થાય છે-
સપનામાં મેલા હાથ દેખાવા: જો તમને સપનામાં તમને મેલા હાથ દેખાય છે તો તે શુભ સંકેત હોય છે. તેનો અર્થ એ છે કે તમે જે કાર્ય કરી રહ્યા છો તેમાં સફળતા મળવાની છે.
સ્વપ્નમાં માટી ખોદવી-:સ્વપ્નમાં માટી ખોદવી ખૂબ જ શુભ માનવામાં આવે છે. તેનો અર્થ એ છે કે કંઈક નવું મળવાનું છે. તે નવી નોકરી અથવા કારકિર્દીમાં વિશેષ સફળતાનું સૂચક પણ છે.
સ્વપ્નમાં તમારી જાતને ગરીબ જોવી: જો તમે સ્વપ્નમાં તમારી જાતને ગરીબ હાલતમાં જુઓ છો, તો તે એક શુભ સંકેત હોય છે. મતલબ કે લક્ષ્મીજીની કૃપા તમારા પર વરસવાની છે.
સ્વપ્નમાં દડાથી રમવું: સ્વપ્નમાં દડાથી રમવું એ શુભ સંકેત માનવામાં આવે છે. આ પ્રકારનું સ્વપ્ન જીવનમાં ધનની પ્રાપ્તિ સૂચવે છે. એટલે કે જીવનમાં ધન સાથે જોડાયેલી સમસ્યાઓનો અંત આવવાનો છે.
સ્વપ્નમાં ઘડિયાળ જોવી: ઘડિયાળ સમય કહે છે પરંતુ જ્યારે તે સ્વપ્નમાં દેખાય છે ત્યારે તેને ગંભીરતાથી લેવું જોઈએ. જો તમે તમારા સપનામાં ઘડિયાળને ટીકટીક કરતા જુઓ છો, તો તેનો અર્થ એ થાય છે કે તમારે મહત્વપૂર્ણ સમયને બગાડવો ના જોઈએ અને સમયનું મહત્વ જાણવું.
સ્વપ્નમાં ઘોડાને જોવો: સ્વપ્નમાં ઘોડો જોવો એ શુભ સંકેત હોય છે. તેનો અર્થ એ છે કે તમે જે કામ કરવા જઈ રહ્યા છો તેમાં સફળતા મળવાની પૂરી શક્યતાઓ રહેલી છે.
સ્વપ્નમાં ઢોલ વગાડવું- જો તમે તમારા સપનામાં ઢોલ વગાડતા જોશો તો તે શુભ સંકેત હોય છે. મતલબ કે જીવનમાં જલ્દી જ કોઈ સારા સમાચાર મળવાના છે.